ඔබ බ්ලොග් ලියන්නෙක්ද?එහෙනම් පොඩ්ඩකට මේ පැත්තට ඇවිත් යන්න.

මම මේ බ්ලෝග් එක පටන් අරන් වැඩි කාලයක් නෑ.ඒ නිසා බ්ලොග් අවකාශයට මම තාම අලුත්.නමුත් ගොඩක් බ්ලොග් අඩවි මම මේ දවස් ටිකට දැක්කා.ඒවා බලනකොට මට තේරුනා මම බ්ලොග් අවකාශයේ යම් මට්ටමකට හුදෙකලා වෙලා කියලා.ඒ නිසා මම හිතුවා බ්ලොග් අවකාශයේ ඉන්න ඔයාලා වගෙ අය හදුනගන්න..ඉතින් ඔයට කරන්න තියෙන්නෙ මෙච්චරයි.ඔයාගෙ නමයි,බ්ලොග් අඩවියෙ ලිපිනයයි කමෙන්ට් කරන්න.එහෙම අමාරුනම් අපේ ෆේස්බුක් පේජ් එක හරහා මට මැසේජ් කරන්න.මගෙ බ්ලොග් එකේ අඩුපාඩු එහෙම තියෙනම් මතක ඇතුව ඒවත් කියන්න අමතක කරන්න එපා.ස්තූතියි.

අපේ ෆේස්බුක් පිටුව>>>https://www.facebook.com/pivithurusithuvili

මන්දගාමී වූ පරිගණකය නැවත වේගවත් කරමු

සමහරවිට දැන් ඔයාගෙ කම්පියුටර් එක ගෙනාපු දවස්වල තරම් ස්පීඩ් නැතුව ඇති.එතකොට ඉතින් එපා වෙන එක අහන්නත් දෙයක්ද.නමුත් අපිට විවිධ ක්‍රම භාවිතා කරල නැවත වේගවත් කරගන්න පුළුවන්.වාහනයක් වුනත් නිතර නඩත්තු කරනවනම් තමයි හොදට වැඩකරන්නෙ.ඉතින් ඒ නිසා සතියකට සැරයක්වත් දවසක් වෙන් කරගන්න පරිගණකය නඩත්කු කරන්න.

හිතන්න ඔයාගෙ මේසෙ උඩ කාලයක් තිස්සෙ ඉදන් එක එක දේවල් එකතු වෙලා මේසෙ පිරිල තියෙන්නෙ කියලා.එත‍කොට ඔයාට මේසෙ උඩ කිසිම වැඩක් පහසුවෙන් කරන්න බෑ නේද.හිතන්න ඔයා මේසෙ උඩ තියෙන අනවශ්‍ය දේවල් ඉවත් කරල අවශ්‍ය දේවල් පිලිවෙලකට තැන්පත් කරනවා කියලා.එකකොට ඔයාට මේසෙ ගොඩක් ඉඩතියෙනවා නේද?ඉක්මනින් වැඩ කරන්නත් පුළුවන්.හිතටත් සතුටුයි.මෙන්න මේ කාරනේ පරිගණකයටත් පොදුයි…

පරිගණකයෙත් කාලයක් වැඩකරනකොට විවිධ අනවශ්‍ය ෆයිල්ස් ගොඩගැහෙනවා.ඒ දේවල් බලපානවා පරිගණකයේ වේගයට.මේ විදිහට එකතුවෙන දේවල් ඉවත් කරන්න මෙහෙයුම් පද්ධතිය මගින් විවිධ පහසුකම් ලබාදීලා තියෙනවා.නමුත් ඊට වඩා පහසුවෙන් මේ දේ කරගන්න පුලුවන්  මෘදුකාංග තියෙනවා.පහතින් තියෙන්නෙ එවැනි ප්‍රභල මෘදුකාංග කිහිපයක්.

මින් එකක් තොරාගෙන ඔබේ පරිගණකය පිරිසිදු කරගන්න.ඒ වගේම පරිගණකයේ වේගවත් කරන ගොඩක් ‍පහසුකම් මේවයි තියෙනවා.මේ වගේ මෘදුකාංගයක් භාවිතා කරන එක ගොඩක් වාසියි.එකම තැනින් ගොඩක් දේවල් කරගන්න ඇහැකි.

පරිගණකය මන්දගාමී වෙන්න තව හේතුවක් තමයි අධික ලෙස මෘදුකාංග ස්ථාපනය කර තිබීම.ගොඩක් අය තමන්ට අනවශ්‍ය මෘදුකාංග පවා ස්ථාපනය කරනවා.ඒ නිසා තමන්ට වැඩක් නැති මෘදුකාංග දාලා තියෙනම් දැන්ම ඉවත් කරන්න.

සමහර වයිරස් ගාඩ් වල ක්‍රියාකාරීත්වය නිසාද පරිගණකය මන්දගාමී වෙනවා.ඒ නිසා පරිගණකය අන්තර්ජාලයට සම්බන්ධ වෙලා තියෙනවනම් හරි එහෙම නැත්නම් පෙන් එකක් සීඩී එකක් දාපු වෙලාවක් ඇරෙන්න අනිත් වෙලාවල් වලදි වයිරස් ගාඩ් එක ක්‍රියා විරහිත කරල තියන්න.

මෙහෙයුම් පද්ධතිය නිතර යවත්කාලින කිරීමෙනුත් වේගවත් බව ඇතිකරගන්න පුළුවන්.නමුත් බොහෝ අය ව්‍යාජ පිටපත් භාවිතා කරන නිසා ඒ අයට ටිකක් අවදානම්.

මම ඔයාට කිව්වෙ පොදු කරුණු පමණයි.විවිධ මෙහෙයුම් පද්ධතිවල තියෙන පහසුකම් ගැන කියන්න මේ ලිපියෙන් මම බලාපොරොත්තු වෙන්නෙ නෑ.

තව ප්‍රධාන හේතුවක් තියෙනවා පරිගණකය මන්දගාමී වෙන්ක.ඒ තමයි මැල්වෙයා එහෙම නැත්නම් අනිෂ්ථ මෘදුකාංග පරිගණකයේ තිබීම.ගොඩක් අය දන්නෙ වෛරස් ගැන විතරයි.වෛරස් කියනනෙත් මැල්වෙයා වලටම අයිතිවන දෙයක්.පරිගණකයන් වැඩ කිරීමට බැරි තැනටම මන්දගාමී කරන්න මෙයාලට පුළුවන්.මේව ඉවත් කරන එක එතරම් පහසු කටයුත්තක් නම් නෙවෙයි.මම භාවිතා කරන්නෙ Malwarebytes  කියන වැඩසටහන.එය ඉතා හොද තත්වයේ සේවාවක් ලබා දෙනවා.මගේ පරිගණකය නැවත වේගවත් කරන්න මෙම මෘදුකාංගය උදව් වුනා.

ඉතින් මම හිතනවා ඔයාට මේ ලිපිය ගොඩක් වැදගන් වෙන්න ඇති කියලා.තවත් මෙවැනි ලිපි බලාපොරොත්තු වීමට අපගේ ෆේස්බුක් පිටුව හා එක්වන්න.

සබන් කුඩු භාවිතය අවම කරමුද?

අද වෙනකොට බොහෝ අය සබන් කුඩු නිතරම භාවිතා කරන්න පුරුදු වෙලා තියෙනවා.මං හිතන්නෙ පහසුව නිසා වෙන්න ඇති.නමුත් මෙය නිතරම ඇදුම් වලට භාවිතා කරන එක අහිතකරයි කියන එක තමයි මගේ අදහස.මමත් කාලයක් නිතර සබන් කුඩු භාවිතා කරා රෙදි හෝදන්න එහෙම.ඒ ලැබිච්ච අත්දැකීම් ටිකක් ඔයාලා එක්ක බෙදාගන්න හිතුවා.

Picture 002

1.කුණු යනවා කිව්වට කුණු යන්නෙම නෑ…….

කොච්චර වෙළද දැන්වීම්වල කිව්වත් මගේ අත්දැකීමෙ හැටියට ඇදුම්වල කහට පැල්ලම් එහෙම සබන් කුඩුවලින් ඉවත් කරන්න අපහසුයි.සෑහෙන්න දුකක් විදින්න ඕන.ඊට වඩා ලේසියෙන් කුනුයවන්න පුළුවන් සබන් වලින්.සබන් භාවිතා කරල සැලකිය යුතු ප්‍රමාණයක් ඉවත් කරගන්න පුළුවනි.

2.වතුර නාස්ති වෙනවා වැඩියි……..

ඔබ නාගරිකව වෙසෙන කෙනෙක් නම් මේ අත්දැකීම ඔබටත් ඇති.ගොඩක් සබන් කුඩුවල සබන් ගතිය ඉවත් කරන්න දෙතුන් පාරක් හෝදන්න ඕන.

3.ඇදුම්වල පාට යනවා…..

සමහර ඇදුම්වල බලාගෙන ඉදිද්දි පාට යන‍වා.සමහර ඇදුම් වල කාලයක් යනකොට පේන්න ගන්නා පාට ගිහින් කියලා.ඇදුම්වල අලුත් පෙනුම නැති වෙනවා.

4.ඇදුම්වල ඇති ලෝහමය කොටස් වල මල බැදීම ඉක්මන් වෙනවා.

අපි ඇදුම් ටික පෙගෙන්න තියලා ටික වෙලාවකින් බැලුවම සමහර ඇදුම්වල මලකඩ පැල්ලම් දකින්න ලැබෙනවා.එතන්දි වෙන්නෙ අර ගංචු වල මලකඩ බැදීම වේගවත් වෙනවා.මොකද ටික වෙලාවක් වතුරෙ පෙගෙනවා අනිත් එක සබන් කුඩුවල තියෙන රසායන ද්‍රව්‍ය ඒක වේගවත් කරන්න උදව් වෙනවා.

මේවා මගේ පෞද්ගලික අත්දැකීම්.අපි දැන් පොදුවෙ බලමු සබන් කුඩුවල වාසි .

සබන් කුඩුවල වාසි

  • ලාභදායී වීම
  • භාවිතය පහසු වීම
  • කිවුල් ජලයේ පවා හොදින් භාවිතා කළ හැකිවීම

මම දන්න තරමින් වාසි මෙච්චරයි.දැන් අපි බලමු අවාසි මොනවද කියලා..

  • සබන් කුඩුවල අඩංගු රසායන ද්‍රව්‍ය අහිතකර වීම.
  • පරිසර දූෂණයට උපකාරී වීම.
  • ඇදුම්වල කල්පැවැත්ම අඩු වීම.

තව මං අර ඉස්සෙල්ලම කියපුවත් ගන්න පුළුවන්.පිලිකාකාරක රසායන ද්‍රව්‍ය පවා මේවයි අඩංගු වෙනවලු.මේවා ජලාශ වල සුපෝෂණ තත්වය ඇතිවෙන්නත් බලපානවා. මම හිතනවා මේ කරුණු ගැන අන්තර්ජාලයෙන් ඔයා තව තොරතුරු හොයන එක හොදයි.ඉතින් මේ වාසිත් එක්ක බැලුවහම අවාසි ප්‍රභලයි ඒ නිසා සබන් කුඩු භාවිතය අවම කරන එක ගොඩක් හොදයි.අපිට පුළුවන් සබන් වලට යන්නෙ නැති පැල්ලම් යවන්න විතරක් මේවා භාවිත කරන්න.ඒක ආර්ථිකයටත් හොදයි.

මේ ගැන ඔයාගෙ අදහසුත් කමෙන්ට් කරන්න.අපේ ෆේස්බුක් පිටුවට ලයික් කිරීමෙන් අලුත් ලිපි බලාගන්නත් පුලුවන්.

Data ඉතුරු කරගන්න පුළුවන් ක්‍රම කිහිපයක්.

‍‍‍‍ග‍‍ොඩක් අයට ති‍යන‍‍ ප්‍රශ්නයක් තමයි තමන්ග‍‍ෙ ‍ඩ්‍ටො අනවශ්‍ය විදිහට වැය‍වන එක.මටත් ඒ ප්‍රශ්‍‍‍න‍‍ෙ

තිබුණා.කාඩ් දානව ඉවරයක් නෑ.මම විවිධ ක්‍රම අත්හදා  බැලුම.ඒ අත්හදා බලපු ක්‍රම වලින් සාර්ථක වෙච්ච ක්‍රම කිහිපයක් මම බෙදාගන්න හිතුව.

ඉස්සෙල්ලම ඔපෙරා වෙබ් බ්ව්සර් එක දාගෙන ඉන්න.ඒකෙ තියෙනවා ඔපෙරා ටර්බෝ කියල පහසුකමක්.ඒකෙන් ඩේඩා ඉතුරු වෙනව වගේම වේගයත් වැඩි වෙනවා.ඒකෙන් වෙබ් පිටුවල අනවශ්‍ය බර අඩු කරනවා.

අන්තර්ජාලයෙ සැරිසරද්දි අපිට කරදරයක් වෙන දෙයක් තමයි අනවශ්‍ය වෙළද දැන්වීම්.ඒ වගේම ඒවට විශාල ඩේටා ප්‍රමාණයකුත් වැය වෙනවා.ඒ නිසා මේ ඇඩ් වලින් ගැලවුනොත් විශාල ඩේටා  ප්‍රමාණයක් ඉතුරු වෙනවා.ඒ සදහා ඇඩ්බ්ලොක් ප්ලස් කියල  browser extension එකක් හදල තියෙනවා.ඒක  Mozilla Firefox, Google Chrome, Opera යන වෙබ් බ්ව්සර් වලට සහය දක්වනවා.මම නම් ඔපෙරා වලට දැම්මෙ.එතකොට ටර්බො වලිනුත් ඩේටා ඉතුරු වෙනවා ඇඩ්බ්ලොක් වලිනුත් ඉතුරු වෙනවා.

මීට අමතරව Browser එකෙන් Images සහ Javascript ක්‍රියා විරහිත කරලත් ඩේටා ඉතුරුකරගන්න පුළුවන්.

පොල්තෙල් වලින් සපත්තු පොලිෂ් කරමුද?

මම හිතුව අද ඔයාගෙ ආර්ථිකයට වාසිදායක වෙන දෙයක් ඉදිරිපත් කරන්න.දැන් ඉතින් ගොඩක් අය කෘතීම සපත්තු පොලිෂ් වර්ග භාවිතයට හුරු වෙලා.ඒත් වෙනසකටත් එක්ක මේ දේ කරල බලන්න.

මේකට ඕන කරන්නෙ පොල්තෙල්  ස්වල්පයකුයි දෙහි යුෂ ස්වල්පයකුයි විතරයි.පෙල්තෙල් වලට දෙහි දාලා හැන්දකින් හොදින් කලවම් කරල දවසක් විතර තියල පාවිච්චියට ගන්න.

ඉස්සෙල්ලම සපත්තුවෙ දූවිලි හොදට පිහදල තුනී රෙදි කෑල්ලකට පොල්තෙල් පොගවල ඇලිල්ලෙන් කරකවමින් පිරිමදින්න.කරලම බලන්න වෙනසක් තියෙනවද කියල.

පොල්තෙල් වැඩිවෙන තරමට දිස්නයත් වැඩියි.‍මේ ගැන ඔයාගෙ අදහස් මට හොගක් වටිනවා.ඒ නිසා ඔයාගෙ අදහස් ඉදිරිපත් කරන්න අමතක කරන්න එපා.

කොලර් එකේ බැදෙන කුණු ඉවත් කිරීමේ පහසු ක්‍රම…..

ගොඩක් වේලාවට සුදු ඇදුම්වල එහෙම කොලර් එකේ බැදෙන කුණු යවන්න ගොඩක් අමාරුයි.ඔයාලටත් ඒ අත්දැකීම ඇති කියල මම හිතනවා.ගොඩක් අය ලොකු බුරුසු වලින් එහෙම අතුල්ලලා ඇදුම් සවුත්තු කරගෙනත් ඇති.නමුත් ඇදුමට හානියක් නොවී කුණු ඉවත් කරන එක තමයි වැදගත්.විශේෂයෙන් පාසල් යන අයට මේ පෝස්ට් එක වැදගත් වෙයි.මම නම් මේ ක්‍රමය අත්හදා බැලුවෙ සුදු කමීසයකට.පාට ඇදුම්වලට කොහොමද කි්යන්න නම් දන්නෙ නෑ.

ඉස්සෙල්ලම කරන්න තියෙන්නෙ ඇදුම වතුරට දාන්න කලින් ෂැම්පු පොඩ්ඩක් අරගෙන ඒ පැල්ලම උඩ ගාලා විනාඩි 20ක් විතර තියන්න.වතුරෙ දිය කරන්නෙ නැතුව ගන්න ඕනෙ.

විතාඩි 20කින් විතර පස්සෙ වතුර ‍පොඩ්ඩක් අරගෙන අර ෂැම්පු ගාපු තැන් වලට ඉහින්න.ඊට පස්සෙ පෙණ නගිනකම් අතුල්ලන්න.දත් බුරුසුවක් වගේ සියුම් කෙදි තියෙන බුරුසුවකිනුත් හිමිහිට අතුල්ලන්න.මේ සදහා ඔයා කැමති ෂැම්පු වර්ගයක් ගන්න.අර කන්ඩිෂනර් කියන ෂැම්පු වර්ගය මේ වැඩේට ගොඩක් හොදයි.

සමහර පැල්ලම් ඉස්සෙල්ල කිව්ව විදිහට යවන්න පොඩ්ඩක් අමාරුයි.ඒ වගෙ ඒවා යවන්න නම් ගොඩක් පරිස්සමින් කරන්න  ඕන වැඩක් තියෙනවා.ක්ලෝරීන් කුඩු පොඩ්ඩක් අරගෙන වතුරෙ දිය කරල අතුල්ලන්න.හැබැයි ක්ලෝරීන් වැඩිවෙන්න දෙන්න එපා.ඒ වගේම පාට ඇදුම්වලට ක්ලෝරීන් දාන්න එපා.පාට පිච්චෙනවා.සුදු ඇදුම් වලට විතරක් දාන්න.ඒත් වැඩිය දාන්න එපා.රෙදි දිරනව.

සබන් කුඩුු ගැන නම් මගේ එච්චර පැහැදීමක් නෑ.ඊට වඩා කුණු යනව සබන් වලට.පුළුවන් තරම් සබන් වලින් හෝදන්න.සමහර සබන් කුඩු වර්ග ඇදුම් වලට වගේම සමටත් විසයි.ඒක ඔයා අත්දැකීමෙන්ම දන්නවත් ඇති.

මම කැමතියි ඔයා එක්ක මගේ අත්දැකීම් කිහිතයක් බෙදාගන්න.

සමහර රෙදි සෝදන සබන් වලට යන්නෙ නැති කුණු ඇගේ ගාන සබන් වලට යනවා.ඒ මොකද කියන්න නම් මම දන්නෙ නැහැ.සමහර අය සබන් කුඩු දානකොට හිතෙන හිතෙන ප්‍රමාණ වලින් දානවා.ඒක හොද පුරුද්දක් නෙමේ.පිටිපස්සෙ ගහල තියෙන උපදෙස් පිලිපදින්න.

මම ඊලට පෝස්ට් එකෙන් තවත් මේ වගේම වැදගත් කරුණු කිහිපයක් ඔයාට කියන්නම්.මම සදහන් කරපු ක්‍රමවලට අමතරව තවත් ක්‍රම ඔයා දන්නවනම් අනිත් අයටත් දැනගන්න කමන්ට් කරන්න.